Qazaxıstanın paytaxtı Astanada keçirilən komandalararası dünya çempionatında kişi şahmatçılardan ibarət Azərbaycan millisi VI tur oyununa çıxıb. 

Sportfm.az xəbər verir ki, rəqib Rusiya yığması olub. 

Qarşılaşmada qalib müəyyənləşməyib - 2:2. Milli üzvlərindən Nicat Abbasov və Eltac Səfərli görüşlərini heç-heçə ilə başa vurub. 

Arkadi Naydiç qələbə qazanıb, Rauf Məmmədov isə rəqibinə uduzub. 

Rusiya – Azərbaycan - 2:2

Sergey Karyakin - Arkadi Naydiç - 0:1

Yan Nepomnyaşi - Rauf Məmmədov - 1:0

Aleksandr Qrişuk - Eltac Səfərli - 0,5:0,5

Vladislav Artemyev - Nicat Abbasov - 0,5:0,5 

VI turun digər qarşılaşmaları

İran - İngiltərə - 1:3 

Hindistan - Qazaxıstan - 3,5:0,5 

İsveç - ABŞ - 0,5:3,5 

Misir - Çin - 2:2 

Bu nəticələrdən sonra Rusiya 10 xalla vahid liderdir. 9 xala malik olan Hindistan və İngiltərə 2-3-cü yerləri bölüşdürür. 

ABŞ 8 xalla 4-cü, Çin 6 xalla 5-ci yerdədir. Azərbaycan, Qazaxıstan və İsveç 4 xalla 7-9-cu yerləri bölüşdürür, bir xalı olan Misir isə sonuncu - 10-cu yerdədir.

Oxşar xəbərlər

Yığmamız dünya çempionatında üçüncü məğlubiyyətlə üzləşdi

Dünya çempionatının ikinci turunda da məğlub olduq

Yığmamız İngiltərə komandası ilə qarşılaşacaq

Azərbaycan millisi dünya çempionatının ilk turunda məğlub oldu

Millimiz mübarizəyə başlayır