Qazaxıstanın paytaxtı Astanadakı şahmat üzrə komandalararası dünya çempionatında bu gün II turun görüşləri keçiriləcək.

Sportfm.az xəbər verir ki, Azərbaycan millisi İngiltərə ilə üz-üzə gələcək. Görüş Bakı vaxtı ilə saat 13:00-da başlanacaq.

İlk turda Azərbaycan Çinə 0,5:3,5 hesabı ilə uduzduğu halda, İngiltərə Qazaxıstana qalib gəlib - 2,5:1,5.

Azərbaycan çempionata Arkadi Naydiç, Rauf Məmmədov, Qədir Hüseynov, Eltac Səfərli və Nicat Abbasovla, İngiltərə isə Maykl Adams, Luk Makşeyn, Devid Hauell, Qaveyn Cons və Conatan Spilmenlə təmsil olunur.

II turda İsveç - Qazaxıstan, ABŞ - Çin, Rusiya - Misir və Hindistan - İran qarşılaşmaları da oynanılacaq.

Qeyd edək ki, ilk turdan sonra Çin, Hindistan, ABŞ, Rusiya və İngiltərə hərəyə 2 xalla ilk 5 pillədə qərarlaşıb. Sonrakı 5 pillədə isə Qazaxıstan, İran, Misir, İsveç və Azərbaycan qərarlaşıb.

Dünən kişi şahmatçılardan ibarət Azərbaycan millisi Qazaxıstanın paytaxtı Astanada komandalararası dünya çempionatının ilk turunda Çin yığması ilə üz-üzə gəlib.

Oxşar xəbərlər

Azərbaycan Rusiya ilə heç-heçə etdi

Yığmamız dünya çempionatında üçüncü məğlubiyyətlə üzləşdi

Dünya çempionatının ikinci turunda da məğlub olduq

Azərbaycan millisi dünya çempionatının ilk turunda məğlub oldu

Millimiz mübarizəyə başlayır