Bu gün “5 Mart - Bədən Tərbiyəsi və İdman Günü” münasibətilə Gənclər və İdman Nazirliyində fəxri adlar verilib. 

Sportfm.az xəbər verir ki, iyirmi nəfər idman mütəxəssisinə “Azərbaycan Respublikasının Fəxri Bədən Tərbiyəsi və İdman İşçisi”, qırx nəfər məşqçi-müəllimlərə müxtəlif idman növləri üzrə “Azərbaycan Respublikasının Əməkdar Məşqçisi”, dörd nəfərə “Respublika dərəcəli hakim” və beş idmançıya “Azərbaycan Respublikasının Əməkdar İdman Ustası” fəxri adı verilib. 

Fəxri ad alanlar arasında AFFA Hakimlər Komitəsinin üzvü, Bədən Tərbiyəsi və İdman Akademiyasında baş müəllim işləyən Anar Salmanov, "Azərreyl" voleybol klubunun baş məşqçisi Famil Ağayev, Milli Paralimpiya Komitəsinin vitse-prezidenti, paracüdoçu və paracüdo üzrə məşçi-müəllim İlham Zəkiyev və sambo üzrə dünya, ikiqat Avropa çempionu, I Avropa Oyunlarının gümüş mükafatçısı Amil Qasımov da olub. 

Anar Salmanov Bədən tərbiyəsi və idman işçisi, Famil Ağayev, İlham Zəkiyev əməkdar məşqçi və Amil Qasımov əməkdar idman ustası adına layiq bilinib.