Bu gün Çempionlar Liqasında daha 4 qrupda mübarizəyə start veriləcək. Sportfm.az saytının məlumatına görə, E, F, G, H qruplarında çıxış edəcək komandalar qitənin ən nüfuzlu klub turnirində sınağa başlayacaqlar. "E" qrupunda "Tottenhem” "Monako”nu qəbul edəcək. Moskva MOİK-i isə Leverkuzen səfərinə yollanacaq.

 

"F" qrupunda da azarkeşlər maraqlı mübarizəyə şahidlik edəcəklər. "Real”ın "Sportinq”i sınağa çəkəcəyi "dördlük”də "Borussiya” D. isə Varşavada "Legiya”ya qonaq olacaq.

 

İngiltərə çempionu "Lester” Çempionlar Liqasında debüt matçında "Brügge” səfərinə yollanacaq. Turnirin ən təcrübəlilərindən olan "Porto” isə "Kopenhagen”i sınayacaq.

 

Gecənin ən maraqlı oyunlarından biri "Yuventus”la "Sevilya” arasında baş tutacaq. "Lion” isə Zaqreb "Dinamo”su ilə oynayacaq.

 

Ötən gün yağış səbəbindən təxirə salınan C qrupunun qarşılaşması olan "Mançester Siti” – "Borussiya” M. görüşü də bu gün keçiriləcək.