Kişi və qadın boksçulardan ibarət Azərbaycan millisi fevralın 13-də Bolqarıstanın paytaxtı Sofiyada start götürəcək ənənəvi beynəlxalq "Strandja" turnirinə qatılacaq. 

Sportfm.az xəbər verir ki, bir həftəyədək davam edəcək yarışda 10 dəri əlcək ustası mübarizə aparacaq. Vaqif Şirinovun rəhbərlik etdiyi məşqçilər korpusu Sofiyada Rüfət Hüseynov (49 kq), Məsud Yusifzadə (52 kq), Tayfur Əliyev (56 kq), Sərxan Əliyev (60 kq), Elvin İsayev (64 kq), Elnur Süleymanov (69 kq), Kamran Şahsuvarlı (75 kq), Rauf Rəhimov (81 kq), Rahil Məmmədli (91 kq) və Məhəmməd Abdullayevə (+91 kq) şans verəcək.

Qadınlardan ibarət yığmanın baş məşqçisi Elbrus Rzayev isə 3 boksçunu - Anaxanım Ağayeva (51 kq), Məryəm Cəbrayılova (69 kq) və Aynur Rzayevanı (75 kq) sınaqdan çıxaracaq. 

Komandalar yanvarın 12-də başa vuraraq, gecə saatlarında səfərə çıxacaq. 

 Qeyd edək ki, "Strandja" turniri 70-ci dəfə təşkil olunacaq. 

Oxşar xəbərlər

Millimiz beynəlxalq turnirə qatılacaq - Türkiyədə

Lisenziya turnirində 12 boksçumuz olacaq

Yığmamızın beynəlxalq turnir üçün heyəti açıqlandı

Boks yığmamızın beynəlxalq turnir üçün heyəti açıqlandı

“Strandja” turnirində 7 idmançımız sınaqdan keçəcək