Bu gün Çempionlar Liqasında (ÇL) 2016/2017 mövsümünün qrup mərhələsinə start veriləcək. Sportfm.az saytının məlumatına görə, ilk oyun günündə "A", "B", "C" və "D" qruplarında mübarizə başlayacaq. Əsas diqqət çəkən görüş Parisdə baş tutacaq. Zlatan İbrahimoviçin gedişindən sonra əvvəlki gücünü itirməməyə çalışan PSJ öz meydanında "Arsenal”la qarşılaşacaq.

 

Azərbaycanlı azarkeşlərin diqqəti eyni zamanda Portuqaliyada olacaq. Belə ki, Türkiyənin turnirdəki yeganə təmsilçisi "Beşiktaş” səfərdə "Benfika” ilə münasibətlərinə aydınlıq gətirəcək. "Qartal” ləqəbli iki komandanın mübarizəsi böyük maraq kəsb edir. "Barselona”, "Mançester Siti”, "Bavariya” və "Atletiko” kimi komandalar da bu gün meydana çıxacaqlar.