Fevralın 16-da Bakıda start götürəcək batut gimnastikası və tamblinq üzrə "AGF Trophy" Dünya Kuboku ərəfəsində azərbaycanlı Avropa çempionu Mixail Malkin azarkeşlərə müraciət edib.

Sportfm.az Azərbaycan Gimnastika Federasiyasının rəsmi "Facebook" səhifəsinə istinadən xəbər verir ki, 23 yaşlı idmançı tamaşaçı dəstəyinə ehtiyacının olduğunu bildirib.

Malkin bu dəstəkdən ruhlandığını açıqlayıb:

"Yarışdan əvvəl əhvalımı yaxşı saxlamaqdan ötrü dostlarımla görüşür, şəhərdə gəzişirik ki, başımı qatım və fikrim yalnız yarışda olmasın. Yaxşı nəticələrdən sonra uğurlarımı yaxınlarımla qeyd edirəm. Bu, məni digər yarışlara motivasiya edir. Tamaşaçı dəstəyi mənim üçün çox vacibdir. Bu dəstəkdən güc və enerji alıram. Gəlin, milli komandamıza dəstək olun".

Qeyd edək ki, 11 ildir tamblinqlə məşğul olan Mixail Malkin ötən il Avropa çempionu olaraq, ən böyük uğuruna imza atıb. 31 ölkənin qatılacağı "AGF Trophy" iki gün davam edəcək.

Oxşar xəbərlər

Malkin, Malkin, yenə də Malkin...

Gimnastımız bürünc medalı qazandı - Avropa çempionatı

Malkindən böyük uğur - Dünya Kubokunun finalına çıxdı

"İndi mən əvvəlkindən daha az hündürlüyə tullanıram" - Yeni Zelandiya gimnastı

Azərbaycan gimnastı tamblinq üzrə Avropa Çempionu oldu - FOTO