Lixtenşteyn millisinin baş məşqçisi Konrad Fünfştük Millətlər Liqasında Azərbaycana qarşı keçirəcəkləri oyundan əvvəl təşkil olunan mətbuat konfransında iştirak edib.

Sportfm.az xəbər verir ki, mütəxəssis əvvəlcə görüşlə bağlı fikirlərini bildirib:

– Azərbaycanla oyunu səbirsizliklə gözləyirik. Matça yaxşı hazırlaşmışıq. Düşünürəm ki, müsbət nəticə əldə edə biləcəyik. Rəqibin Litva ilə oyununu təhlil etmişik. Azərbaycan favoritdir, lakin sabah hər şeyin necə olacağını görəcəyik. Azərbaycan yığması yarımmüdafiədə və hücumda təhlükəlidir. Zədəli oyunçularımız yoxdur. Bu, bizim üçün çox vacibdir.

– ​25 il əvvəl Lixtenşteyn millisində Azərbaycana qarşı yarıpeşəkar futbolçular oynayırdı. İndi vəziyyət necədir?

– Bu gün də eynidir. Hələ də bir neçə futbolçumuzun başqa peşəsi var. Amma sizin heyətdəki oyunçuların bəziləri Çempionlar Liqası təcrübəsinə sahibdir.

– Sabah hansı nəticəyə ümid edirsiniz.

– 40 min əhalisi olan cırtdan ölkəyik. Sabahkı oyunun favoriti Azərbaycandır. Biz təkcə nəticə haqqında düşünmürük, həm də yaxşı oyun nümayiş etdirmək istəyirik. Azarkeşlərə göstərmək istəyirik ki, biz də pis komanda deyilik.

Oxşar xəbərlər

"Bizdəki təzyiq bəlkə də, heç Litvada yoxdur" - Ayxan Abbasov

“Azarkeş dəstəyi bizim üçün önəmlidir" - Elmar Baxşıyev

"Futbolçularımda yaxşı motivasiya var" - Fernandu Santuş

San Marinonun baş məşqçisi: "Azərbaycan futbol ölkəsidir"

Robert Prosineçki:"Oyunda yaxşı çıxış edəcəyinə söz verə bilmərəm"