Maliyyə "feyr pley"inə görə UEFA-nın cəzalandırdığı və avrokuboklara buraxılmayan "Qalatasaray" Avropanın ali futbol qurumuna müraciət edəcək. Sportfm.az xəbər verir ki, yanvar ayında edilməsi nəzərdə tutulan müraciətdə UEFA-ya oyunçulara verilən maaşın ümumi məbləği təqdim ediləcək. UEFA "Qalatasaray"a ümumi maaşın 65 milyon avroluq həddi aşmamaq tələbi qoyub. Hazırda Türkiyə nəhəngində bu məbləğin 63 milyon avro olduğu bildirilir.

"Qalatasaray" rəhbərliyi qadağanın ləğv edilməsinin oyunçulara və azarkeşlərə müsbət təsir edəcəyini düşünür.