Millimizin hücumçusu Ramil Şeydayevin formasını geyindiyi “Krılya Sovetov” klubu Rusiya Premyer Liqasının XVII turu çərçivəsində öz meydanında “Rostov”u qəbul edib.

Sportfm.az xəbər verir ki, Samara təmsilçisi 1-0 hesabı ilə qalib gəlib.

Görüşün 44-cü dəqiqəsində “Krılya Sovetov”ub hücumçusu Sergey Kornilonko ikinci sarı vərəqə ilə meydandan qovulub.

81-ci dəqiqədə isə qonaqların islandiyalı futbolçusu Raqnar Siqurdson topu “Krılya Sovetov”un ehtiyat oyunçular skamiyasına vurub. 

Bir dəqiqə əvvəl qol müəllifi Antonun əvəzinə meydana daxil olmuş Ramil Şeydayev isə Raqnara kobud şəkildə reaksiya verib.

Bu isə futbolçular arasında qalmaqala səbəb olub. Nəticədə Siqurdsona birbaşa qırmızı, Şeydayevə isə sarı vərəqə göstərilib.  

Hadisələrin sakitləşməsindən heç beş dəqiqə keçməmiş bu dəfə qonaqlarda moldovalı futbolçu Aleksandr Qatskan ikinci sarı vərəqə alaraq meydandan qovulub.

"Rostov"un baş məşqçisi Valeri Karpin bu hadisəyə görə dördüncü hakimlə mübahisə edib. Belədə baş hakim Sergey Karasyov onu da texniki zonadan uzaqlaşdırıb. 

Oxşar xəbərlər

Şeydayevli "Krılya Sovetov" "Krasnodar"a məğlub oldu - VİDEO

Şeydayev penaltiyə səbəb oldu - VİDEO

Ramil Şeydayevdən bir ilk - 90 dəqiqə meydanda oldu

Ramil Şeydayev üçün 25 dəqiqə

"Krılya Sovetov" Ramil Şeydayevə ehtiyac duymadı