Azərbaycan teleməkanının populyar futbol verilişi "TOP-TOP" avqustun 30-da növbəti dəfə efirə gedib. Sportfm.az xəbər verir ki, aparıcı Araz Əhmədovla bərabər bu dəfə müzakirəyə qatılanlar "Qarabağ” klubunun 16 yaşlılardan ibarət komandasının baş məşqçisi Samir Musayev, "İnter” PİK-in 19 yaşlılarını çalışdıran Xəqani Məmmədov və futbol azarkeşi Kənan Paşabəyli olub. Verilişdə Avropa Liqasının qruplarında mübarizə aparacaq klublarımızın şansları dəyərləndirilib. Qonaqlar, həmçinin millimizin uzunmüddətli toplanışı barədə danışıb və bu il San-Marino ilə keçiriləcək ilk rəsmi oyunumuz haqqında fikir bildirib.  

Qeyd edək ki, "TOP-TOP" proqramı hər həftənin çərşənbə axşamı saat 18:00-da "MYVİDEO" kanalında canlı yayımda efirə gedir. "MYVİDEO" kanalı KATV kabel televiziyası və internet vasitəsilə yayımlanır.