Azərbaycan teleməkanının populyar futbol verilişi "TOP-TOP" sentyabrın 20-də növbəti dəfə efirə gedib. Sportfm.az xəbər verir ki, verilişin aparıcısı Araz Əhmədovla bərabər bu dəfə müzakirəyə qatılanlar veteran futbolçu Azər İsayev, "Zirə” klubunun kapitanı Elvin Məmmədov və tanınmış idman jurnalisti Amal Abuşov olub. Verilişdə Premyer liqanın oyunları, klublarımızın durumu, futbolumuzdakı problemlər müzakirə edilib. Hazırda laqeyd münasibətlə üzləşən Azər İsayev canlı yayım zamanı necə texnikalı futbolçu olduğunu bir daha nümayiş etdirib.  

Qeyd edək ki, "TOP-TOP" proqramı hər həftənin çərşənbə axşamı saat 18:00-da "MYVİDEO" kanalında canlı yayımda efirə gedir. "MYVİDEO" kanalı KATV kabel televiziyası və internet vasitəsilə yayımlanır.