Topaz Premyer Liqasının 7-ci turunda qeydə alınan azarkeş sayı bəlli olub. 

Sportfm.az xəbər verir ki, turun ilk görüşü "Dalğa Arena" "Zirə" və "Qəbələ" (1:0) arasında baş tutub. Bu qarşılaşmanı stadiondan 30-a yaxın azarkeş izləsə də, nədənsə matçın protokolunda 400 nəfər yazılıb. 

"Bayıl Arena"da baş tutan "Səbail" - "Sumqayıt" oyununda (2:0)  500, "Neftçi" - "Sabah" qarşılaşmasında (2:0) isə 1000 azarkeş qeydə alınıb. 

Beləliklə, Topaz Premyer Liqasının 7-ci turunu guya 1900 azarkeş izləyib. Bu isə hər oyuna orta hesabla, 633,3 fanat edir. 

Turun "Keşlə" - "Qarabağ" oyunu isə oktyabrın 31-nə təxirə salınıb.