Azərbaycan qrossmeysteri Şəhriyar Məmmədyarov Beynəlxalq Şahmat Federasiyasının (FIDE) reytinq cədvəlində yenə üçüncü yerdədir.

Sportfm.az xəbər verir ki, FIDE 1 oktyabr 2018-ci il tarixinə reytinq cədvəlini dərc edib. Şəhriyar Məmmədyarov bu siyahıda 1 sentyabr 2018-ci il üçün qeydə alınmış mövqeyini dəyişməyib.

Dünyanın ən güclü şahmatçılarının siyahısında birinci yerdə yenə norveçli dünya çempionu Maqnus Karlsendir (2839), ikinci yerdə amerikalı Fabiano Karuanadır (2827). 

Bizim digər şahmatçımız Teymur Rəcəbov (2751) siyahıda sentyabr ayındakı vəziyyəti ilə müqayisədə bir pillə aşağı enərək 18-ci yerdə qərarlaşıb. Arkadi Naydiç (2721) 29-cu, Rauf Məmmədov (2699) 46-cı, Eltac Səfərli (2676) 67-ci, Qədir Hüseynov (2667) 74-cü yerdədir.

Rapid və blits üzrə dünyada ən güclü şahmatçıların ilk onluğunda son bir ayda dəyişiklik olmayıb.

Oxşar xəbərlər

Azərbaycanlı şahmatçılar ilk yüzlükdə

Şəhriyar yerini qorudu

FIDE reytinq cədvəlini dərc etdi

Şəhriyar Məmmədyarov FİDE-nin reytinqində ikinci pilləyə yüksəldi

Şəhriyar Məmmədyarov FIDE-nin reytinq siyahısında üçüncü yerə yüksəlib