Bu gün UEFA Millətlər Liqası turniri çərçivəsində Bakı Olimpiya Stadionunda keçirilən Azərbaycan – Kosovo matçından sonra mətbuat konfransı təşkil olunub. 

Sportfm.az xəbər verir ki, tədbirdə milli komandamızın baş məşqçisi Qurban Qurbanov jurnalistlərin suallarını cavablandırıb. Öncə Qurbanov qısaca oyun haqqında fikirlərini bildirib:"Ağır oyun oldu. Futbolçularımız bu gün çox məsuliyyətli idi. Rəqibin fərdi ustalıq səviyyəsi daha yüksək idi".

- Start heyətini səhv seçməmişdiniz?

- Səhv deməzdim. Bu gün tam hazır olan futbolçular meydanda idi. Elə oyunçular var ki, oyun praktikası yoxdur. 

- Kosovanı niyə məğlub edə bilmədik? Buna Azərbaycan futbolunun səviyyəsi, futbolçularımızda yüksək ustalığın çatışmamazlığı, yoxsa rəqibin taktiki analizində yol verilən səhvlər imkan vermədi?

- Rəqibi düzgün analiz etmişdik. Hazırda bizim futbolçularımızın səviyyəsi ilə rəqibi müqayisə etmək düzgün deyil. Onlar daha güclü çempionatlarda çıxış edir. 

- Riçard Almeydada geriləmə yoxdur?

- Deməzdim ki, geriləyib. Almeyda stabil çıxış etdi. 

Oxşar xəbərlər

Qurban Qurbanov: "Məğlubiyyəti gözləyirdim"

Rey Farruciya:Azərbaycanla oyunda həmin səhvləri etməməyə çalışacağıq

Bernar Şalland:"Hücum xəttinin çıxışından razı deyiləm"

Qurban Qurbanov:"Məni narahat edən amillər var"

Qurban Qurbanov:"Rəqib imkan versə..."