Bu gün Rio-2016 Yay Olimpiya Oyunlarında taekvondoçuların mübarizəsinə start verilib. Sportfm.az xəbər verir ki, 49 kq çəki dərəcəsində çıxış edən Patimat Abakarova ilk görüşdə məğlub olub. Patimat Abakarova 3:2 hesabı ilə məğlub olub.

Boqdanoviç finala kimi irəlilədiyinə görə, Abakarova təsəlliverici görüşlərdə mübarizə aparıb. Bürünc medal uğrunda onun ilk rəqibi çinli Jinqyu Vu olub. İkiqat olimpiya çempionu (Pekin-2008 və London-2012) ilə görüş olduqca gərgin keçib. Qarşılaşmada iki dəfə geri düşməsinə baxmayaraq sona yaxın rəqibin başına əla zərbə endirən idmançımız 4:3 hesablı qələbəyə sevinib.

 

Patimatın bürünc medal yolundakı son rəqibi fransalı Yasmine Azeize olub. Döyüşə fəal başlayan Abakarova yekunda möhtəşəm qələbə ilə bürünc medal qazanıb - 7:2. Bu, həm də Azərbaycan tarixində taekvondoda qazanılmış ilk olimpiya medalı olub.