"Biz futbol proseslərini qabaqlamaq istəməzdik. Sözügedən komandaların tərkibi ilə bağlı məlumat daxil olduqdan sonra məsələyə baxılıb, konkret münasibət bildirilə bilər".

Sportfm.az xəbər verir ki, bunu oxu.az-a açıqlamasında Xarici İşlər Nazirliyinin (XİN) mətbuat xidmətinin rəhbəri Hikmət Hacıyev İngiltərənin “Arsenal” klubunun erməni futbolçusu Henrix Mxitaryanın Bakıya - “Qarabağ”la oyuna gəlməsinə rəsmi Bakının icazə verib-verməyəcəyi məsələsinə münasibətini bildirərkən deyib. 

XİN sözçüsü deyib ki, Azərbaycan dünyanın idman ölkəsidir və ölkəmizdə keçirilən beynəlxalq səviyyəli idman yarışlarında Ermənistan vətəndaşlarının, o cümlədən, digər ölkələrin erməni əsilli vətəndaşlarının iştirakı dəfələrlə baş tutub.

“Azərbaycanın işğal olunmuş ərazilərinə qanunsuz səfərlər isə sırf hüquqi məsələdir”, - deyə H.Hacıyev əlavə edib.

Oxşar xəbərlər

UFC prezidentinə etiraz məktubu göndərildi - Təxribatçı erməniyə görə

"İki dəfə Azərbaycana qanuni yolla gəlməkdən imtina edib"

"Arsenal" Mxitaryanı Bakıya gətirmir - Açıqlandı

Henrix Mxitaryan Bakıya gətiriləcək?

"Qarabağ"ın siyasi şahmat adlandırılması yanlışdır" - RƏSMİ AÇIQLAMA