Braziliyada futbolçunun anasını oğurlayıblar.

Sportfm.az xəbər verir ki, söhbət Ukrayna "Şaxtyor"unun və Braziliya yığmasının şərəfini qoruyan Tayson Barsellosunun anası Rozanqeladan gedir. 4 nəfər üzü maskalı şəxs futbolçunun yaşadığı evə daxil olaraq, onun anasının əl-qolunu bağlayaraq, zorla yaxınlıqda olan avtomobilə mindirib. Polis işə qarışması nəticəsində yaşlı qadını oğurlayanlar tutulub. Məlum olub ki, 4 nəfər 30 yaşlı futbolçunun anasını ələ keçirməklə ondan 1 milyon dollar qoparmaq istəyirmiş.