Bakı toplanışını başa vuran “Keşlə” Avropa Liqasının 1-ci təsnifat mərhələsinin ilk oyununa hazırlığını davam etdirmək məqsədilə bu gün Türkiyəyə yollanıb. 

Sportfm.az xəbər verir ki, paytaxt klubu Kızılcahamam vilayətindəki “Patalya” otelində məskunlaşıb. Komanda sabah səhər ilk məşqə çıxacaq. İyul ayının 10-dək davam edəcək təlim-məşq toplanışında “Keşlə” 3 yoxlama matçı keçirməyi planlaşdırır. Komanda ilk yoxlama matçını Bolu vilayətində Bosniya və Herseqovinanın "Çelik” (Zeniça) komandasına qarşı keçirəcək. Oyun Bakı vaxtı ilə saat 17:00-da başlanacaq. 

İkinci yoxlama matçında rəqib “Levadiya” komandası olacaq. Estoniya təmsilçisilə qarşılaşma Bakı vaxtı ilə 17:00-da başlayacaq. 

Toplanış çərçivəsində son yoldaşlıq matçı iyulun 6-da keçiriləcək. Bu dəfə komanda İranın “Traktorzasi” komandası ilə üz-üzə gələcək. Oyunun başlanma vaxtı barədə əlavə məlumat veriləcək.

Oxşar xəbərlər

"Keşlə" Türkiyəyə yola düşür - "Osmanlıspor"la oynayacaq

"Keşlə" Təbriz klubu ilə oyun öncəsi məğlub oldu

“Keşlə” uduzdu

"Keşlə" ilk matçına çıxacaq

“Keşlə” klubu Türkiyədə üç yoxlama oyununda gücünü sınayacaq