Rusiyada keçirilən dünya çempionatında ilk qırmızı vərəqə qeydə alınıb.

Sportfm.az xəbər verir ki, hazırda Yaponiya ilə qarşılaşan Kolumbiya millisinin futbolçusu Karlos Sançes meydandan qovulub.

Görüşün baş hakimi Damir Skomina matçın 3-cü dəqiqəsində qapıya gedən topa əllə toxunan yarımmüdafiəçini qırmızı vərəqə ilə cəzalandırıb və Kolumbiyanın qapısına penalti təyin edib. 11 metrlik cərimə zərbəsini dəqiq yerinə yetirən Sindzi Kaqava hesabı açıb.

Qeyd edək ki, 32 yaşlı Karlos Sançes 2007-ci ildən Kolumbiya millisində çıxış edir. O, professional karyerası ərzində “Aston Villa”, “Fiorentina”, “Espnayol” kimi komandaların şərəfini qoruyub.

Oxşar xəbərlər

Derbilərdə görünməmiş vərəqə sayı: 4 qırmızı

Ronaldo meydandan qovuldu - Karyerasında ilk dəfə...

Mundialda çıxış edən futbolçu ölümlə hədələnir

DÇ-2018: Sensasiya davam edir

İlk qırmızı vərəqə göstərmiş hakim dünyasını dəyişdi