Çexiyada keçirilən 16 yaşadək futbolçulardan ibarət komandalar arasında “All Stars Cup” turnirində ilk oyun gününə yekun vurulub.

Sportfm.az xəbər verir ki, “Qəbələ”nin U-16 komandası I qrup mərhələsində 3 oyun keçirib. İlk turda Yaponiya təmsilçisi “Avispa Fukuoka” ilə görüşən futbolçular meydanı xalsız tərk edib – 0:2. Yerli “Fastav Jlin”lə qarşılaşmada isə komanda 1:0 hesabı ilə qalib gəlib. Matçdakı yeganə qolu Aqil Nəsibov vurub. Son turda Portuqaliyanın “Porto” klubu ilə qarşılaşan U-16 0:4 hesabı ilə məğlub olub. Qrupu 3 xalla başa vuran “qırmızı-qaralar” 3-cü yeri tutub.

Bu gün II qrup mərhələsinin oyunları keçiriləcək. Komandanın bu mərhələdəki rəqibləri öz qruplarında qalib olan Almaniya “Herta”sı, 2-ci yeri tutan İspaniya “Barselona”sı və 4-cülüklə kifayətlənən Rusiya “Zenit”idir. Sabah keçiriləcək görüşlərdən sonra ilk iki günün nəticələrinə əsasən ən yaxşı 8 komanda mükafatlar uğrunda, digər 8 iştirakçı 9-16-cı yerlər üçün mübarizə aparacaq.

Oxşar xəbərlər

"Qəbələ" "Beşiktaş"a qalib gəlsə də, 15-ci oldu

"Qəbələ" çexiyalılara qarşı

"Barselona" "Qəbələ"yə qalib gəldi

"Portu" Azərbaycan klubuna qarşı

PSJ, "Barselona", "Beşiktaş" və "Qəbələ"