Bu gün “Boulevard U-15 Liqası"nda 23-cü turdan təxirə salınmış oyun keçirildi.

Sportfm.az xəbər verir ki, «Vətən» «Neftçi Baza»da «Zirə»ni qəbul etdi. Oyun meydan sahiblərinin 1:0 hesablı qələbəsi ilə başa çatdı. Yeganə qolu 4-cü dəqiqədə «Vətən»in hücumçusu Şahin Kərimli vurdu.

Qələbə «Vətən»in çempionluğa 1 addım da yaxınlaşdırdı. Qızıl medallar üçün İlqar Mənsimovun komandasına «Qarabağ»la oyunda 1 xal da bəs edəcək. Əgər 26-cı turlardan təxirə salınmış «Neftçi» - «Qəbələ» oyununda qonaqlar qalib gəlməsə, o halda «Vətən» 1-ci yeri vaxtından əvvəl təmin edəcək. «Neftçi» - «Qəbələ» matçı sabah Binə qəsəbə stadionunda keçiriləcək. Qarşılaşmaya 15:00-da start veriləcək.

Yeri gəlmişkən, «Vətən»in qələbəsi «Keşlə» üçün düşərli oldu. Bu komanda sonuncu turun nəticələrindən asılı olmayaraq  3-cü yeri qarantiyaya aldı.  

Bombardirlər: Elvin Abdullayev («Vətən») – 32 qol, Mehrac Baxşəliyev («Qəbələ») – 26 qol. 

«Het-trik news» qəzeti

Oxşar xəbərlər

U-16 Liqası: "Bürünc""Neftçi"!

U-16 Liqası: "Neftçi" "bürünc"ün bir addımlığında

U-15 Liqası: Çempion sabah məlum ola bilər

U-16 Liqası: "Vətən" çempionu məğlub edə biləcəkmi?

"Viləş" Masallıda bərabərə qaldı