Mayın 11-də Bakı İdman Sarayında idman kapoeyrası üzrə dünya çempionatının birinci gününün çıxışları başa çatıb.

Sportfm.az xəbər verir ki, yarışın birinci günündə uşaqlar və yeniyetmələr bacarıqlarını nümayiş etdiriblər.

Çempionatda 10-12 yaşlı qızların yarışında ölkəmizi təmsil edən Gülçöhrə Abbasova, oğlanların yarışında isə Turan Eldarov final mərhələsində məğlub olaraq gümüş medalla kifayətləniblər. Həmçinin 13-15 yaşlı qızların yarışında Zeynəb İslamova gümüş, oğlanların mübarizəsində Mirhəsən Əliyev qızıl medal qazanıblar. Səftər Süleymanov və Azər Orucov isə bürünc medallara layiq görülüblər. Günün sonunda isə 16-17 yaşlıların yarışında Mirnihad Ağayev ikinci yerdə qərarlaşıb.

Beləliklə, dünya çempionatının birinci günündə Azərbaycan təmsilçiləri 1 qızıl, 3 gümüş və 2 bürünc medal qazanıblar.

Dünya çempionatına mayın 12-də yekun vurulacaq.

Oxşar xəbərlər

Bakıda idman kapoeyrası üzrə dünya çempionatına start verildi

Bakıda idman kapoeyrası üzrə dünya çempionatına start verildi

Bakı növbəti mötəbər turnir - Dünya Çempionatı

12 ən iri qrup Bakıya toplanır

İdman dırmanması üzrə açıq respublika çempionatı keçirilib