Beynəlxalq Şahmat Federasiyasının (FİDE) Prezidentlik Şurasının üzvləri təşkilatın rəhbəri Kirsan İllumcanovun dərhal istefasını tələb ediblər.

Sportfm.az xəbər verir ki, istefanın lehinə 14 şura üzvü səs verib. Qurumun üzvlərindən yalnız 1-i buna qarşı çıxıb.

Federasiyanın saytında bildirilir ki, K. İllumcanovun adı ABŞ-ın sanksiyalar tətbiq etdiyi şəxslərin siyahısındadır. Buna görə FİDE maliyyə çətinliyini yaşayır. Xüsusən Qərb bankları təşkilatla əməkdaşlıqdan imtina ediblər. 

Ağır vəziyyət sponsorların və idmançıların qapılarıını bağlayaraq FİDE-nin nüfuzuna mənfi təsir göstərir. Həmçinin FİDE-nin Moskvadakı ofisinin bağlanması tövsiyə edilib. 

1995-ci ilin noyabrından FİDE-yə rəhbərlik edən K. İllumcanov Suriya hökumətinə maddi kömək və Dəməşqin maraqları çərçivəsində fəaliyyətinə görə ABŞ-ın Maliyyə Nazirliyinin sanksiyalar siyahısına salınıb. (report.az)

Oxşar xəbərlər

Aralarında barışıq sazişi imzalandı

FIDE prezidentinin səlahiyyət müddəti məhdudlaşdırıldı

FİDE-də yeni prezident - vitse-prezident azərbaycanlı oldu

FİDE-də İlümjinov dövrü sona çatdı

Azərbaycan şahmatçılarına FIDE-nin yeni titulları verildi