Təlim-məşq toplanışının növbəti mərhələsi üçün Türkiyəyə yola düşən "Zirə” elə dünən ilk məşqinə çıxıb. Sportfm.az klubun rəsmi saytına istinadən xəbər verir ki, baş məşqçi Adil Şükürov yorucu səfərin ardından bərpa məşqinə üstünlük verib. Bu gün də "qartallar” bir dəfə meydana çıxıblar. Səhər məşqi müxtəlif hazırlıq hərəkətləri ilə yanaşı, maraqlı yarışma ilə də diqqət çəkib.  

 

Futbolçular 7 nəfərdən ibarət üç komandaya ayrılıblar və dairəvi sistemlə mini-turnir keçirilib. Nəticədə Abdulla Seyidəhmədov, Cəmil Hacıyev, Yamin Ağakərimzadə, İlkin Muradov, Elgün Nəbiyev, Tural Cəlilov və Vüsal İskəndərlidən ibarət "göylər” 7 xalla qalib olublar.