"Zirə” Türkiyədəki təlim-məşq toplanışını davam etdirir. Sportfm.az-ın klubun rəsmi saytına istinadən yaydığı xəbərə görə, komanda Bolu hazırlığının 3-cü günündə iki dəfə məşq edib. Səhər məşqində "qartallar” əsasən dözümlülük üzərində çalışıb. Axşam məşqi bir qədər fərqli olub. Baş məşqçi Adil Şükürov taktiki-texniki çalışmalara üstünlük verib. Sonda isə ikitərəfli oyun keçirilib. "Qartallar” sabah istirahət edəcək. Növbəti gün isə komanda Türkiyədəki ilk yoxlama oyunundan öncə son məşqini keçirəcək.