Türkiyədə təlim-məşq toplanışında olan "Zirə” hazırlığını davam etdirir. Sportfm.az klubun rəsmi saytına istinadən xəbər verir ki, "qartallar” iyul 27-si iki məşq keçiblər. Səhər futbolçular güc məşqini etdilər. Bura toplu və topsuz hərəkətlər daxil idi. Məşqin sonunda baş məşqçi Adil Şükürov komandanı top saxlamaq üzərində çalışdırdı. Axşam məşqi səhərkindən fərqli idi. Bu dəfə "qartallar” taktiki-texniki hazırlığın yüksəldilməsinə çalışdılar. Bu gün isə "Zirə” bir məşqlə kifayətlənəcək. Bu, Boludakı ikinci yoxlama oyunu öncəsi son hazırlıq olacaq.

Qeyd edək ki, "Zirə” iyulun 29-da Türkiyənin "Göztəpə” klubu ilə üz-üzə gələcək. Qarşılaşma Bakı vaxtı ilə saat 19-00-da başlayacaq.