Portuqliya millisinin kapitanı Kriştiano Ronaldo əfsanəvi futbolçu Mişel Platininin rekorduna şərik olub. Qol.az-ın məlumatına görə, EURO 2016-nın yarımfinal mərhələsində Uels millisinin qapısına yol tapan 31 yaşlı hücumçu Avropa çempionatının final mərhələlərindəki qol sayını 9-a çatdırıb. UEFA-nın sabiq prezidenti uzun illər 9 qolla bu göstəricidə lider idi. Ronaldo eyni zamanda Avropa çempionatlarının tarixinə düşüb. O, Avropa çempionatında üç dəfə yarımfinal oyununda iştirak edən ilk futbolçu olub.