Bu yaxınlarda "Neftçi"də struktur dəyişikliyi oldu. Klubun prezidenti postuna Orxan Hüseynzadə gətirildi.

 

Sportfm.az saytının etibarlı mənbədən əldə etdiyi məlumata görə, bu təyinatdan sonra klubun Müşahidə Şurasının sədri Çingiz Abdullayev istefa vermək qərarına gəlib. Deyilənlərə görə yaxın ətrafının onu bu fikrindən daşındırması cəhdləri uğursuz olub. Mənbənin saytımıza verdiyi informasiyaya görə, tezliklə klub rəhbərliyi bu barədə rəsmi açıqlama verəcək.