"Sumqayıt"ın Türkiyə toplanışı çərçivəsində yoxlama matçı keçirəcəyi daha 2 rəqibinin adı müəyyənləşib.

Sportfm.az xəbər verir ki, "gənclik şəhəri" təmsilçisi Antalyada ümumilikdə 4 görüşdə qüvvəsini sınayacaq.

Samir Abasovun yetirmələri qardaş ölkəyə yanvarın 21-də yola düşəcəklər. Fevralın 4-də isə komanda Azərbaycana qayıdacaq. Rəqiblərdən birinin "Anji" olduğu açıqlanmışdı. Lakin Rusiya təmsilçisi ilə oyun mahaçqalalıların rəsmi saytında göstərilən tarix - yanvarın 22-də keçirilməyəcək. Bu görüş yanvarın 31-də baş tutacaq.

"Sumqayıt" yanvarın 28-də Makedoniya klubu "Akademiya Pandev"lə üz-üzə gələcək. Adıçəkilən komanda ölkə çempionatında 4-cü pillədə qərarlaşıb. Sumqayıtlıların toplanış çərçivəsində sonuncu sparrinq rəqibi isə "Mladost" olacaq. Serbiya klubu ilə qarşılaşma fevralın 3-də keçiriləcək. "Mladost" ölkə çempionatında 16 komanda arasında 9-cudur. "Sumqayıt"ın yoxlama matçı keçirəcəyi komandalardan yalnız birinin adına hələ tam aydınlıq gəlməyib.

apasport.az

Oxşar xəbərlər

Azərbaycan klubları Antalyaya yola düşdü - Toplanış

"Sumqayıt" Macarıstan klubu ilə görüşəcək

"Sumqayıt"da vətənə qayıdır

Samir Abasovun yetirmələri böyük hesabla uduzdu

"Sumqayıt" klubu qış hazırlıq planını açıqladı