Topaz Premyer Liqasında 2017/18 mövsümünün ən erkən qolu qeydə alınıb.

Sportfm.az PFL-in rəsmi saytına istinadən xəbər verir ki, XIII turun Gəncədə keçirilən “Kəpəz” – “Qəbələ” matçında qonaqlar 1-ci dəqiqədə hesabı açıb. “Qırmızı-qaralar”ın futbolçusu Baqali Dabo cari mövsüm ilk dəqiqədə fərqlənən yeganə oyunçudur. 26-cı saniyədə “Kəpəz”i məyus edən hücumçu Milan Durç (“Zirə”) və Mirabdulla Abbasovun (“Neftçi”) rekordunu arxada qoyub. Bu futbolçular 3-cü dəqiqədə qol sevinci yaşamışdı. Milan I turda “Səbail”in, Mirabdulla X turda “Sumqayıt”ın qapısına erkən qol vurmuşdu. Dabo həm də ardıcıl 3-cü oyunda qol vurmaqla rekord müəllifi olub. XI turda “Səbail”ə 2, ötən tur “Neftçi”yə 1 qol vuran hücumçu cari mövsüm ardıcıl 3 turda fərqlənən ilk oyunçudur.

Oxşar xəbərlər

Azərbaycan Premyer Liqasında mövsümün rekordu

Çempionatın bombardiri mükafatlandırdı - FOTO

Hamı qol vurdu, "Qəbələ" uduzdu

“Qarabağ”dan mövsümün rekordu

Baqali Dabo "Qəbələ"nin tarixinə necə düşdü?