“Neftçi” klubunun prezidenti Orxan Hüseynzadə Premyer Liqanın XII turunun “Qəbələ” ilə oyununda şübhəli hakim qərarlarına münasibət bildirib.

Sportfm.az-ın klubun rəsmi saytına istinadən məlumatına görə, O.Hüseynzadə açıqlamasında FİFA referisi Əliyar Ağayevin rəhbərlik etdiyi briqadanın səhvlərinin nəticəyə təsir etdiyini vurğulayıb.

“Ədalətli hakimlik olsaydı, qələbə qazana bilərdik. Bəli, hamı səhv edə bilər. Amma ölkənin ən yaxşı referisinin başçılıq etdiyi hakimlər briqadası bütün oyun ərzində bir komandanı “öldürürsə”, bu, şübhələr yaradır. Əliyar Ağayev və köməkçiləri 2 metr məsafədən bütün stadionda olan adamların gördüyünü görmədi? Hakimləri bilərəkdən komandamıza antipatiya bəsləməkdə ittiham etmək istəmirəm. Amma istənilən halda onların səhvləri nəticəyə təsir etdi”.

Hüseynzadə yaranmış vəziyyətdən ən yaxşı çıxış yolu kimi videotəkrarların tətbiqini göstərib:

“Burada söhbət bahalı avadanlıqdan getmir. Hər klub hakimlər briqadasını 4-cü hakimin mövqeyinin yaxınlığında sadə monitorla təmin edə bilər. Bu, hakim səhvi ehtimalını yox edəcək”.

Xatırladaq ki, “Bakcell Arena”da keçirilən “Neftçi”–“Qəbələ” qarşılaşması qonaqların 3:2 hesablı qələbəsi ilə başa çatıb.

Oxşar xəbərlər

"Neftçi" və "Qəbələ"nin ev, "Zirə"nin səfər sınağı - YENİLƏNİR

“Qarabağ” – “Qəbələ” oyunu FIFA referisinə tapşırıldı - Premyer Liqa

XIII turun hakimləri məlum oldu - Azərbaycan Premyer Liqası

“Qəbələ” – “Neftçi” matçı FIFA referisinə tapşırıldı - Azərbaycan Premyer Liqası

"Qarabağ" - "Neftçi" oyunu Əliyar Ağayevə həvalə edildi - SİYAHI