İspaniyanın məşhur "Mundo Deportivo" idman nəşri kobud səhv buraxıb.

Sportfm.az saytı oxu.az-a istinadən xəbər verir ki, nəşr "Atletiko"nun futbolçusu Yannik Karraskos haqda dərc etdiyi yazıda Azərbaycanın Çempionlar Liqasındakı təmsilçisi "Qarabağ"ı "erməni klubu" adlandırıb.

""Çolo"nun uşaqları ("Atletiko"nun baş məşqçisi Dieqo Simeonun ləqəbi - qeyd.) ötən gecə erməni "Qarabağ"ına qarşı oynadı - hansı ki, kağız üzərində tamamilə keçilən görünürdü. Ancaq "Atletiko" qol vura bilmədi, Avropada ikinci dəfə heç-heçə oynadı və bununla da öz pərəstişkarlarını məyus etdi", - yazıda bildirilir.

Xatırladaq ki, "Qarabağ"-"Atletiko" matçı - çərşənbə günü Bakı Olimpiya Stadionunda oynanılıb və qolsuz bərabərliklə yekunlaşıb.

Oxşar xəbərlər

"Qarabağ"ın qurbanları kimdir?

“Qarabağ” “Atletiko” ilə heç-heçədən qazandıqları

XİN: “Mundo Deportivo” Azərbaycandan üzr istədi

“Qarabağ”ın ispaniyalı futbolçuları “AS” qəzetinə müsahibə veriblər

“Atletiko”nun Bakıya gələcəyi vaxt açıqlandı