Futzal üzrə Yüksək Liqanın ilk turunda "Marafon"a 2-3 hesabı ilə yenilən "İtaldizayn", 2-ci turda EKOL-la qarşılaşıb. Matçboyu baxımlı oyun sərgiləyən Yüksək Liqanın debütantı, yaxaladığı qol şanslarını dəyərləndirməyərək, sonda meydandan 0-1 hesablı məğlubiyyətlə ayrılıb. Görüşdən sonra komandanın baş məşqçisi Rafael Abdulov Sportfm.az saytına fikirlərini bildirib:"Uşaqların hamısına minnətdaram, gözəl oyun nümayiş etdirdilər. Bəxt bizdən üz döndərdi. Qol imkanlarından istifadə edə bilmədik. Sona yaxın isə rəqib fərqləndi və uğursuz nəticəyə imza atdıq. Təbii ki, hakimlər səhvlərə yol verirlər, ancaq bir şey qərəzli deyilsə, onda, eybi yoxdur. Hakim də insandır, yalnış qərar verə bilər, hamı səhv edir. Növbəti turda zədəsini sağaldan Rəcəb Fərəczadə meydanda olacaq".

Qeyd edək ki, "İtaldizayn" 3-cü turda, oktyabrın 21-də "Neftçi" İK ilə qarşılaşacaq. 

Oxşar xəbərlər

Samir Həmzəyev:"Toparlanmaq lazım idi"

Ramin Həsənzadə:"Komandama kömək edə bilmədiyim üçün üzgünəm"

Elşad Quliyev:"Oyundan-oyuna artırırıq"

"Araz" 3 xal qazandı, "Marafon" ilk oyunda qalib gəldi

Futzal Federasiyasında yeni təyinatla bərabər, Yüksək Liqanın püşkü atıldı