Azərbaycanda və Gürcüstanda keçirilən voleybol üzrə qadınlar arasında Avropa çempionatının final mərhələsində birinci yarış günü başa çatıb.

Sportfm.az xəbər verir ki, Macarıstanla qarşılaşan millimiz inamlı qələbə qazanıb - 3:0 (25:23, 25:14, 25:16).

Ukrayna - Rusiya oyununda isə rusiyalı voleybolçular ukraynalı rəqiblərinin sərt müqaviməti ilə üzləşsələr də, sonda qələbə qazana biliblər 3:2.

Digər oyunların nəticələri:

A qrupu

Azərbaycan - Macarıstan 3:0
Polşa - Almaniya 15:5

B qrupu

İtaliya - Gürcüstan 3:0
Belarus - Xorvatiya 3:2

C qrupu

Ukrayna - Rusiya 2:3

D qrupu

Serbiya - Çexiya 3:0
Niderland - Belçika 3:1

Sabah A qrupunda Polşa - Macarıstan, B qrupunda Gürcüstan - Xorvatiya, İtaliya - Belarus, C qrupunda Bolqarıstan - Ukrayna, Türkiyə - Rusiya, D qrupunda isə Çexiya - Belçika, Serbiya - Niderland oyunları keçiriləcək.

Qeyd edək ki, oktyabrın 1-dək davam edəcək Avro-2017-nin A və C qruplarının oyunları Bakıda Milli Gimnastika Arenasında, B qrupu - Tbilisidə Yeni İdman Sarayında, D qrupunun oyunları isə Göygöldə Olimpiya İdman Kompleksində təşkil edilir.

Qaydalara əsasən, hər qrupdan iki komanda pley-off mərhələsinə vəsiqə qazanacaq. Çempionatın ¼, yarımfinal və final görüşləri Bakıda keçiriləcək.

Yarışda 16 komanda - A qrupunda Azərbaycan, Macarıstan, Almaniya, Polşa, B qrupunda Gürcüstan, İtaliya, Belarus, Xorvatiya, C qrupunda Türkiyə, Bolqarıstan, Rusiya, Ukrayna, D qrupunda isə Niderland, Serbiya, Belçika və Çexiya voleybolçuları mübarizə aparır.

Oxşar xəbərlər

Euro-2017: Xorvatiya turnirlə vidalaşdı

Euro-2017: Belarus yığması 1/4 finalda

Euro-2017: Polşa qalib gəldi, Türkiyə uduzdu - Nəticələr

Azərbaycan voleybolçuları Avropa çempionatında ilk oyunu qələbə ilə başa vurublar

Azərbaycanda voleybol üzrə Avropa çempionatına start verilir