Bu gün Azərbaycanda voleybol üzrə qadınlar arasında Avropa çempionatının final mərhələsinə start verilir.

Sportfm.az xəbər verir ki, ilk oyun Bakıda Ukrayna və Rusiya yığmaları arasında baş tutacaq. A qrupunda mübarizə aparan Azərbaycan millisi isə ilk matçda Macarıstanla münasibətlərinə aydınlıq gətirəcək. Yığmamız sentyabrın 24-də Polşa, 25-də isə Almaniya komandası ilə qarşılaşacaq. Millimizin bütün görüşləri saat 18:00-da başlayacaq.

Bu gün, həmçinin İtaliya - Gürcüstan, Serbiya - Çexiya, Belarus - Xorvatiya, Niderland - Belçika, Polşa - Almaniya və Türkiyə - Rusiya qarşılaşmaları keçiriləcək.

Oktyabrın 1-dək davam edəcək Avro-2017-nin A və C qruplarının oyunları Bakıda Milli Gimnastika Arenasında, B qrupu - Tbilisidə Yeni İdman Sarayında, D qrupunun oyunları isə Göygöldə Olimpiya İdman Kompleksində keçiriləcək.

Qaydalara əsasən, hər qrupdan iki komanda pley-off mərhələsinə vəsiqə qazanacaq. Çempionatın dörddəbir, yarımfinal və final görüşləri Bakıda təşkil ediləcək.

Yarışda 16 komanda mübarizə aparacaq. A qrupunda Azərbaycan, Macarıstan, Almaniya, Polşa, B qrupunda Gürcüstan, İtaliya, Belarus, Xorvatiya, C qrupunda Türkiyə, Bolqarıstan, Rusiya, Ukrayna, D qrupunda isə Niderland, Serbiya, Belçika və Çexiya voleybolçuları mübarizə aparacaqlar.

Oxşar xəbərlər

Euro-2017: Xorvatiya turnirlə vidalaşdı

Euro-2017: Belarus yığması 1/4 finalda

Euro-2017: Polşa qalib gəldi, Türkiyə uduzdu - Nəticələr

Voleybol üzrə Avropa çempionatının ilk günü - Nəticələr və təqvim

Azərbaycan voleybolçuları Avropa çempionatında ilk oyunu qələbə ilə başa vurublar