Azərbaycan milli komandasının baş məşqçisi Ayxan Abbasov UEFA Millətlər Liqasının qrup mərhələsində Litvaya qarşı keçirdikləri oyundan sonra fikirlərini bölüşüb.
Sportfm.az xəbər verir ki, o, 1:1 hesabıyla bitən matçdan sonrakı mətbuat konfransında qarşılaşmanı belə dəyərləndirib:

“Penalti epizodu şübhəli idi. Epizodun əvvəlində Emil Səfərova qarşı kobudluq var idi. Hesabı bərabərləşdirəndən sonra üstünlüyü ələ aldıq. Komanda şəklində intizamlı oynadıq.

Azərbaycan xalqı üçün anlamlı bir gündə meydana çıxdığımızın fərqində idik. Qalib də gələ bilərdik. Amma uduzmamaq da vacib idi. İnşallah, qələbələr də gələcək.

Milli üzvlərində özünəinam formalaşıb. Zamanla daha da yaxşı olacağıq. Lixtenşteynlə növbəti matçda qələbə üçün oynayacağıq”.

Azərbaycan millisi qrupda növbəti oyununu oktyabrın 1-də, saat 20:00-da Tofiq Bəhramov adına Respublika stadionunda Lixtenşteynə qarşı keçirəcək.

Oxşar xəbərlər

Azərbaycan millisi Litva ilə bərabərə qaldı - Millətlər Liqası

Azərbaycan millisi mübarizəyə başlayır - Millətlər Liqası

"Səfərdə qələbə qazanmaq çox vacib idi" - Qurban Qurbanov

Özü günahkar olan Ayxan Abbasov:"Günahkar axtarmıram"

Ayxan Abbasov dərsdən danışır