Dörd ölkənin – Finlandiya, İsrail, Rumıniya və Türkiyənin ev sahibliyi ilə keçirilən basketbol üzrə 40-cı Avropa çempionatı davam edir.

Sportfm.az xəbər verir ki, artıq çempionatın 4 dörddəbir finalçısı müəyyənləşib.

Türkiyənin ev sahibliyi etdiyi səkkizdəbir finalda əvvəlcə Sloveniya və Ukrayna yığmaları üz-üzə gəliblər. Rəqibini 79:55 hesabı ilə məğlub edən Sloveniya millisi ilk dörddəbir finalçı olub.

Daha sonra Almaniya və Fransa yığmaları qarşılaşıblar. Görüşdə 84:81 hesabı ilə qalib gələn Almaniya basketbolçuları növbəti mərhələyə adlayıblar.

Sonra azarkeşlər Finlandiya-İtaliya oyununu izləyiblər. Rəqibdən üstün oyun nümayiş etdirən İtaliya millisi növbəti mərhələyə vəsiqəni təmin edib – 70:57.

Litva-Yunanıstan qarşılaşması da maraq doğurub. Rəqibinə 77:64 hesabı ilə qalib gələn yunanıstanlı basketbolçular dörddəbir finala adlayıblar.

Bu gün keçiriləcək Latviya-Monteneqro, Serbiya-Macarıstan, İspaniya-Türkiyə və Xorvatiya-Rusiya oyunları ilə səkkizdəbir final mərhələsinə yekun vurulacaq.

Çempionatın dörddəbir final mərhələsinin görüşləri sentyabrın 12-13-də, yarımfinallar ayın 14-15-də oynanılacaq. Üçüncü yer uğrunda görüş və final qarşılaşmaları isə sentyabrın 17-də keçiriləcək.

Oxşar xəbərlər

MLS-in səkkizdəbir final mərhələsinə yekun vuruldu

Avropa çempionatının yarımfinalçıları müəyyənləşdi

Avropa çempionatının dörddəbir finalçıları müəyyənləşdi

Boksçumuz Alaverdiyanı məğlub etdi

“Eurobasket 2017”nin sonuncu iki yarımfinalçısı məlum oldu