DÇ-2026-da iştirakını başa vuran Tunis millisinin 8 futbolçusunun dopinq analizlərində qadağan olunmuş maddə aşkarlanıb.
Sportfm.az xəbər verir ki, futbolçuların analizlərində klenbuterolun izləri müəyyən edilib. Bununla belə, aşkar olunan miqdar məcburi diskvalifikasiya üçün nəzərdə tutulan həddən aşağı olduğundan futbolçular cəzalandırılmayıblar. Hazırda hadisə ilə bağlı araşdırma aparılır.

Məlumatda bildirilir ki, oyunçuların orqanizminə qadağan olunmuş maddənin Meksikada qidalandıqları çirklənmiş ət vasitəsilə düşdüyü ehtimal edilir. Bu versiya araşdırmanın əsas istiqamətlərindən biridir.

Qeyd edək ki, Tunis millisi dünya çempionatında qrup mərhələsində İsveç, Yaponiya və Niderlanda uduzaraq mübarizəni erkən dayandırmışdı.

Oxşar xəbərlər

Türkiyə millisi son oyununa çıxır - DÇ-2026

Niderland İsveçə, Almaniya Kot d`İvuara qarşı - DÇ-2026

Tunis millisinin heyəti açıqlandı - DÇ-2026 üçün

Dünya çempionu 6 illik diskvalifikasiya edildi

Dünya çempionatında kuryoz hadisə - FOTO