Niderland İsveçə, Almaniya Kot d`İvuara qarşı -

Yazar araz 20 iyun 2026 13:03 113 nəfər baxıb

Niderland İsveçə, Almaniya Kot d`İvuara qarşı -DÇ-2026

2026-cı il dünya çempionatında bu gün daha 2 qrupda II turun oyunları keçiriləcək.

Sportfm.az xəbər verir ki, günün ilk iki qarşılaşması ilk turu böyük hesablı qələbələrlə başa vurmuş İsveç və Almaniya millilərinin iştirakı ilə gerçəkləşəcək.

F qrupunda yer alan İsveç yığması ilk turu heç-heçə ilə başa vurmuş Niderlandla üz-üzə gələcək. Qrupun digər görüşündə Tunis Yaponiyanı sınağa çəkəcək. Tunis ilk turda məhz İsveçə böyük hesabla uduzub - 1:5. Yaponiya isə Niderlandla məhsuldar heç-heçəyə nail olub - 2:2.

E qrupunun oyununda isə Almaniya Kot d`İvuarla üz-üzə gələcək. İlk turda Bundestim Kürasaonu 7:1, afrikalılar isə Ekvadoru 1:0 hesabı ilə yenib. Qrupda II turun digər matçında Ekvador Kürasao ilə qarşılaşacaq.

DÇ-2026
II tur

E qrupu
00:00. Almaniya - Kot d`İvuar
Baş hakim: Xuan Benites (Paraqvay)
Toronto (Kanada), "Bimo Fild" stadionu

04:00. Ekvador - Kürasao
Baş hakim: Ma Nin (Çin)
Kanzas Siti (ABŞ), "Errouhed" stadionu

Xal durumu: Almaniya - 3, Kot d`İvuar - 3, Ekvador - 0, Kürasao - 0

F qrupu
21:00. Niderland - İsveç
Baş hakim: Maykl Oliver (İngiltərə)
Hyuston (ABŞ), NRG stadionu

08:00. Tunis - Yaponiya
Baş hakim: İştvan Kovaç (Rumıniya)
Monterrey (Meksika), BBVA stadionu

Xal durumu: İsveç - 3, Yaponiya - 1, Niderland - 1, Tunis - 0.

Qeyd edək ki, daha əvvəl Meksika və ABŞ milliləri DÇ-2026-nın 1/16 finalına vəsiqəni təmin edib. Haiti və Türkiyə isə qrupda qalıb.