Braziliya milli komandasının sağ cinah müdafiəçisi Uesli Fransa zədə səbəbindən 2026-cı il dünya çempionatında iştirak edə bilməyəcək.

Sportfm.az xəbər verir ki, bu barədə Braziliya Futbol Federasiyası məlumat yayıb. Futbolçu Misir yığması ilə keçirilən yoldaşlıq oyununda (2:1) zədələnib. Aparılan tibbi müayinə nəticəsində onun sol budun gətirici əzələsində zədə aşkarlanıb.

Qeyd edək ki, futbolçu geridə qalan klub mövsümündə bütün turnirlər daxil olmaqla 41 matçda meydana çıxaraq 3 qol vurub və 1 məhsuldar ötürmə ilə yadda qalıb.

Xatırladaq ki, bu yay keçiriləcək 2026-cı il dünya çempionatında Braziliya millisi C qrupunda Mərakeş, Haiti və Şotlandiya yığmaları ilə mübarizə aparacaq.

Oxşar xəbərlər

Leanardo Argentinaya kömək edə bilməyəcək - Zədə

Arda Gülər ən yaxşı gənc futbolçudur

Ançelotti müqaviləsinin müddətini uzadacaq

Messi yenidən milli komandada

Türkiyə millisi hücumçusunu itirdi