Münhenin "Bavariya" klubu UEFA-nın yenilənmiş klub reytinqində birinci pilləyə yüksəlib.

Sportfm.az xəbər verir ki, siyahıda ikinci yerdə Madrid "Real", üçüncü pillədə isə PSJ qərarlaşıb.

Məlumata görə, bu reytinq klubların 2021/2022-ci illər mövsümündən etibarən Avropa turnirlərində göstərdiyi nəticələrə əsaslanır. Son beş mövsümün hər birində Çempionlar Liqasının 1/4 finalına, eləcə də iki dəfə yarımfinal mərhələsinə yüksələn "Bavariya" məhz bu sabit və uğurlu seriya sayəsində siyahıya başçılıq etməyi bacarıb.

Geridə qalan 2025/2026-cı illər mövsümündə ən çox xal toplayan Londonun "Arsenal" klubu siyahıda 7-ci pillədə qərarlaşıb. Reytinqdə ən diqqətçəkən sıçrayışı isə İngiltərənin digər təmsilçisi "Aston Villa" edib. Birminqem klubu birdən-birə 29 pillə irəliləyərək 17-ci yerdə mövqe tutub.

Oxşar xəbərlər

"Qarabağ" irəliləməkdə davam edir - UEFA Reytinqi

Azərbaycan 2 pillə irəlilədi - UEFA reytinqi

“Qarabağ” irəlilədi - UEFA reytinqi

“Qarabağ” reytinqdə irəlilədi

Azərbaycanın xal ehtiyatı artdı - UEFA reytinqi