İspaniya Sequndasında 40-cı turun oyunları keçirilib.

Sportfm.az xəbər verir ki, “Rasinq” doğma meydanda “Valyadolid”i 4:1 hesabı ilə məğlub edərək 14 ildən sonra La Liqaya vəsiqəni rəsmiləşdirib.

Meydan sahiblərinin heyətində Asyer Vilyalibre (33), Andres Martin (62, 73) və Suleyman Kamara (90+5) fərqləniblər. Qonaqların yeganə qolunu isə Məhəmməd Cauab (42) vurub.

40 turdan sonra hesabında 78 xal olan “Rasinq” turnir cədvəlinə başçılıq edir. Komanda ən yaxın izləyiciləri “Deportivo” və “Almeriya”nı 7 xal qabaqlayır. “Deportivo”nun ehtiyatda bir oyunu olsa da, mövsümün sonuna iki tur qaldığından “Rasinq” ilk iki pillədən aşağı düşməyəcək və növbəti mövsüm La Liqada çıxış edəcək.

Oxşar xəbərlər

"Lids" və "Börnli" Premyer Liqaya qayıtdılar

"Sassuolo" A Seriyasına vəsiqə qazandı

"Lester" Premyer Liqaya qayıtdı

Növbəti mövsüm üçün Çempionlar Liqasına vəsiqəni təmin etdilər

İspaniya çempionu 3-cü liqaya düşdü - Uğursuzluq