Azərbaycan Premyer Liqasında son 10 mövsümün tamaşaçı rekordu qeydə alınıb.

Sportfm.az Peşəkar Futbol Liqasına istinadən xəbər verir ki, bu, XXVIII turun “Qarabağ” – “Sabah” matçına (0:1) təsadüf edib.

Tofiq Bəhramov adına Respublika stadionunda keçirilən qarşılaşmanı 17338 tamaşaçı izləyib.

Bu oyunadək əvvəlki rekord da eyni komandaların bu arenadakı görüşünə təsadüf edib. XXII turun 3:3 hesabı ilə bitən qarşılaşmasını 10 361 tamaşaçı izləyib.

XXVIII turun oyununda qeydə alınan nəticə həm də son 10 mövsümün ən yüksək göstəricisidir. Daha çox tamaşaçının izlədiyi sonuncu görüş 2015/2016 mövsümündə baş tutub. 2016-cı il fevralın 14-də Gəncə şəhər stadionunda keçirilən “Kəpəz” – “Qarabağ” oyununa 20 400 nəfər tamaşa edib.

Oxşar xəbərlər

“Qarabağ” – “Sabah” matçında rekord qeydə alındı

“Neftçi” – “Qarabağ” oyununda yeni rekord

Premyer Liqada mövsümün rekordu 5000 tamaşaçı

Bu mövsümün rekordu qeydə alındı - Misli Premyer Liqası

Mövsümün yeni rekordu