Beynəlxalq Şahmat Federasiyası (FIDE) dünya şahmatçılarının yeni reytinq siyahısını açıqlayıb.

Sportfm.az xəbər vrir ki, Azərbaycan təmsilçilərindən ən yüksək nəticə 2713 xalla 27-ci pillədə olan Şəhriyar Məmmədyarova məxsusdur.

Məmmədyarov ötən ayla müqayisədə 8 pillə geriləyib.

1 pillə geriləyən Teymur Rəcəbov 2689 xalla 36-cıdır.

Böyük sıçrayışa nail olan Aydın Süleymanlı 2653 xalla 37 pillə - 99-cu mövqedən 62-dək irəliləyib.

7 pillə irəliləyən Eltac Səfərli 2648 xalla 70-ci, 10 pillə geriləyən Rauf Məmmədov isə 2636 xalla 85-ci yerdə qərarlaşıb.
Qadınlara gəldikdə, son Azərbaycan çempionu Ülviyyə Fətəliyeva 1 pillə irəliləyib. O, hazırda 2431 xalla 26-cı mövqedə yer alıb.

14 pillə geriləyən Günay Məmmədzadə 2374 xalla 67-ci, 6 pillə geriləyən Gövhər Beydullayeva 2358 xalla 84-cü, mövqeyini dəyişməyən Xanım Balacayeva 2350 xalla 93-cü yerdə gedir.

Qeyd edək ki, kişilər arasında Azərbaycan çempionu Məhəmməd Muradlı hələlik "100-lüy"ə düşməyib.

Oxşar xəbərlər

Məmmədyarovla Rəcəbov gerilədi - FİDE reytinqi

Günay Məmmədzadə 3 pillə irəlilədi - FIDE reytinqi

Şəhriyar Məmmədyarovun mövqeyi dəyişdi

Şəhriyar Məmmədyarov 2 pillə gerilədi

Məmmədyarov FİDE reytinqində mövqeyini qorudu