Premyer Liqa nəhəngi "Liverpul" "Yuventus"un futbolçusu Kenan Yıldız üçün böyük transfer təklifi etməyə hazırlaşır.

Sportfm.az xəbər verir ki, bu barədə "Haber Global" yazıb.

Məlumata görə, Məhəmməd Salahın komandadan ayrıla biləcəyi ilə bağlı şayiələrin artması fonunda "qırmızılar" "Misirli kralı"n potensial varisi kimi gördükləri gənc istedad üçün inanılmaz miqdarda - 100 milyon avro xərcləməyə hazırdırlar.

20 yaşlı Kenan Yıldız bu mövsümə damğa vurub: 13 qol və səkkiz məhsuldar ötürmə ilə effektiv statistikaya imza atıb.

Salahın bu həftəsonu başqa kluba keçəcəyi barədə söhbətlər gedir. Əgər bu baş verərsə, "Liverpul"un hücum xətti zəifləyəcək və komandanın bütün azarkeşləri bu boşluğu doldura biləcək oyunçu kimi Kenan Yıldızın adını çəkirlər.

Kluba yaxın mənbələr təsdiqləyirlər ki, "Liverpul" gənc ulduzu yaxından izləyir. Kenanın qeyri-adi performansı təkcə "Liverpul"un deyil, bütün Avropadakı istedad ovçularının da diqqətindədir.

Oxşar xəbərlər

"Liverpul" 15 milyonluq təklifi rədd etdi

“Yuventus” türkiyəli futbolçunun maaşını artıracaq

Misirli ən çox qazanan futbolçu ola bilər!

Salahın yerinə hücumçu tapıldı - FOTO

Turin klubu Salahdan əl çəkmir