İstanbul Prokurorluğunun Türkiyə futbolunda qanunsuz mərclərlə bağlı həbsinə order verdiyi 14 futbolçudan biri Azərbaycan millisinin sabiq üzvüdür.

Sportfm.az xəbər verir ki, bu, 26 yaşlı mərkəz müdafiəçisi İsmail Karakaşdır.

Karakaş vaxtilə Azərbaycanın U-17 və U-19 millilərində baş məşqçi Təbriz Həsənovun rəhbərliyi altında çıxış edib. O, U-19-un heyətində 3, U-17-də 11 oyunda iştirak edib.

Müdafiəçi hətta 2017-ci ildə Bakıda keçirilmiş U-17 Avropa çempionatında Portuqaliya (0:5), Belçika (1:1) və Şotlandiyaya (0:1) qarşı forma geyinib.

Hazırda Karakaş Türkiyənin səviyyəcə dördüncü, amma 3-cü Liqa adlandırılan çempionatında "Erciyes 38"in formasını geyinir.

Oxşar xəbərlər

Azərbaycan yığmasının üzvü oyunlarda mərc edirmiş - ŞOK

Millinin sabiq üzvü həbs edildi

Türkiyə millisinin sabiq basketbolçusu dünyasını dəyişdi

Millinin sabiq futbolçusu həbs olundu

Millimizin sabiq müdafiəçisi bu klubda