Misli Premyer Liqasında 14-cü tura yekun vurulub.

Sportfm.az xəbər verir ki, 4-cü oyun gününə nəzərdə tutulan matçlar yekunlaşıb.

Əvvəlcə “Araz-Naxçıvan” “Kəpəz”i qəbul edib. Qarşılaşma Naxçıvan təmsilçinin 2:0 hesablı qələbəsi ilə başa çatıb. Hazırda turnir cədvəlində Naxçıvan təmsilçisi 23 xalla 6-cı, Gəncə klubu isə 6 xalla 11-cidir.

Bu komandaların ilk dövrədəki görüşündə “Araz-Naxçıvan” 2:0 hesabı ilə qalib gəlib. Lakin dekabrın 4-də keçirilən kubok matçında “Kəpəz” rəqibini səfərdə bir cavabsız qolla üstələyib.

Günün digər matçında isə “Sumqayıt” “İmişli”ni qəbul edib. Qarşılaşma Sumqayıt təmsilçisinin 1:0 hesablı qələbəsi ilə başa çatıb. Bu komandaların ilk dövrədəki matçında “İmişli” 1:0 hesabı qalib gəlsə də, meydana adı protokolda olmayan oyunçu buraxdığı üçün sonradan komanda texniki məğlubiyyətlə üzləşmişdi.

Hazırda “Sumqayıt” 26 xalla turnir cədvəlində 4-cü, “İmişli” isə 15 xalla 9-cu yeri tutur.

Misli Premyer Liqası, 14-cü tur

9 dekabr (çərşənbə axşamı)

19:30. “Sumqayıt” - “İmişli” - 1:0

Qol: Rüstəm Əhmədzadə, 82
Hakimlər: Əliyar Ağayev, Zeynal Zeynalov, Kərim Zeynalov, Əkbər Əhmədov
VAR: Əli Əliyev
AVAR: Zöhrab Abbasov
Mehdi Hüseynzadə adına Sumqayıt şəhər stadionu

Oxşar xəbərlər

“Araz-Naxçıvan”dan qələbə - Premyer Liqa

"Araz-Naxçıvan" "Kəpəz"lə, "Sumqayıt" "İmişli" ilə üz-üzə - YENİLƏNİR

"Zirə" minimum fərqlə qalib gəldi - Premyer Liqa

"İmişli" "Karvan"a qalib gəldi - Premyer Liqa

“Zirə” “Araz-Naxçıvan”a, “Sumqayıt” “Səbail”ə qarşı - Misli Premyer Liqası