Almaniyanın "Bavariya" klubunun yarımmüdafiəçisi Lennart Karl UEFA Çempionlar Liqasında yeni rekorda imza atıb.

Sportfm.az xəbər verir ki, o Münhen komandasının turnirdə qol vuran ən gənc futbolçusu olub.

Almaniyalı oyunçu Liqa mərhələsinin III turunda "Brügge"yə (Belçika) qarşı matçın (4:0) 5-ci dəqiqəsində fərqlənib. O, qol vurarakən 17 yaş 242 günlüyündə olub.

"Bavariya"da əvvəlki rekord yarımmüdafiəçi Camal Musialaya aid idi. O, 2021-ci ilin fevralında UEFA Çempionlar Liqasının 1/8 finalında "Latsio" ilə oyunda fərqlənərkən Karldan 121 gün böyük olub.

Qeyd edək ki, 2025/2026 mövsümündə L.Karl bütün turnirlərdə meydana çıxıdığı 9 oyunda 1 qola və 1 məhsuldar ötürməyə imza atıb.

Oxşar xəbərlər

25 yaşlı forvard yeni rekorda imza atdı

İngilis Almaniyada rekorda imza atdı

Erlinq Holanndan yeni rekord

Harri Keyn yeni rekorda imza atdı - Bundesliqa

Çempionlar Liqasında yeni rekord