Azərbaycan milli komandasının sabiq baş məşqçisi Fernandu Santuş vətəni Portuqaliyada təhsil və elmi yönümlü oyuncaq istehsalı üzrə şirkətə sərmayə qoyub.

Sportfm.az xarici KİV-ə istinadən xəbər verir ki, 71 yaşlı mütəxəssisə və onun həyat yoldaşı Gilyermina Santuşa məxsus "Femacosa" şirkəti artıq "Science4You"nun ana şirkəti olan "Didáctialegria"nın səhm paketinə yiyələnib.

"Science4You" Lisabon Regional Təchizat Bazarında (MARL) yerləşən fabrikdə təhsil və elmi yönümlü oyuncaqlar hazırlayır, istehsal edir və satır.
Qeyd edək ki, Fernandu Santuş Azərbaycan millisində 2024-cü il iyunun 12-dən 2025-ci il sentyabrın 8-dək baş məşqçi kimi çalışıb. Onunla müqaviləyə sentyabrın 5-də xitam verilib. Oktyabrın 11-də AFFA-nın baş katibi Cahangir Fərəcullayev Santuşa təzminatın tam ödənildiyini açıqlayıb. Bu məbləğin 1 milyon 800 min avro (3 milyon 700 min manat) olduğu bildirilir.

Oxşar xəbərlər

AFFA Santuşa təzminat ödədi

Santuşa mükafat verildi - Yunanıstanda

Fernandu Santuşa forma hədiyyə edildi

Millimizin baş məşqçisi Qəbələyə yollandı - FOTO

Fernandu Santuş Azərbaycan millisində - RƏSMİ